Serbski superintendent Jan Malink źo na wumjeńk

My wót Spěchowańskego towaristwa za serbsku rěc w cerkwi z. t. smy wjelgin źěkowne za wšykne procowanje a dobroty, kótarež Jan Malink ako serbski superintendent w ewangelskej cerkwi a w ekumenje jo wugbał za Serbow. Žycymy jomu na wjele dalšnych žywjeńskich lět Bóže žognowanje, kšutu strowosć a gluku we krejzu swójźby.

Až stej wěra a serbstwo wusko zwězanej, dajo se pśez lětźasetki spómóžnego statkowanja Jana Malinka wucytaś. Pśez njogo jo wóstała funkcija serbskego superintendenta wjelgin wažna institucija, nic jano w Lutherskej krajnej cerkwi Sakskeje a za Górnoserbow, ale teke we wustatkowanju na Ewangelsku cerkwju Barlinja–Bramborskeje-šlazyńskeje Górneje Łužyce. Swój pśidatny prjatkaŕski nadawk wót EKBO za Serbow w srjejźnej a Dolnej Łužycy jo měł za pśewšo wažny a njejo nigdy z wócowu zgubił. We wšyknych gremijach, kupkach a komisijach, źož jo sobu źěłał, jo pśecej był pśipóznaty a konstruktiwnje źěłajucy partner. Wósebnje jo pregował serbske ewangelske cerkwine dny w cełej Łužycy. Źožkuli jo zjawnje wustupił, su měli jogo słowa wjeliku wažnosć. We tom njedejało se teke pśichodnje nic změniś, ga jogo nadalej nuznje trjebamy. Case su wichorojte: Situacija serbskeje rěcy se zasadnje zlěpšowała njejo, a pšawa Serbow samorozymliwe w našyma krajnyma cerkwjoma hyšći njejsu. Daś wón nam nadalej pó boce stoj pśi skšuśenju narodnego wědobnja a zapowědanju Bóžego słowa w serbskej rěcy.

Póstrowne słowo w Pomhaj Bóh 07/2020

Zanechat odpověď

Vyplňte detaily níže nebo klikněte na ikonu pro přihlášení:

Logo WordPress.com

Komentujete pomocí vašeho WordPress.com účtu. Odhlásit /  Změnit )

Google photo

Komentujete pomocí vašeho Google účtu. Odhlásit /  Změnit )

Twitter picture

Komentujete pomocí vašeho Twitter účtu. Odhlásit /  Změnit )

Facebook photo

Komentujete pomocí vašeho Facebook účtu. Odhlásit /  Změnit )

Připojování k %s