nejdrogotnjejšy dar

dariki su wjelgin wažne w bibliskem gódownem tšojenju: Mudre z jutšneje zemje „źěchu do domu a namakachu to źiśetko z Mariju, jogo maśerju, a módlachu se jomu dołoj padnjece, a wótwórichu swóje pókłady a pódarichu jomu złoto, wóruch a marhu.Mt 2, 9–11

Žednogo Mikławša w Bibliju njenamakajomy. Ale chto ga jo ten gódowny muž, Mikławš abo Nikolaus w cerwjenem mantelu?

Spócetk bajanki jo biskup Mikławš z Myry, kenž jo se naroźił zazdaśim w měsće Patras w Małej Aziji, a jo wumrěł 6. decembera. Kaž se groni, jo se starał Mikławš z Myry wósebnje wó źiśi a starych a jo jim nocy kšajźu dariki donjasł. Wu kśesćijanow na pódwjacorje jo 6. december swěźeń. We srjejźowěku su togodla wobdarili małych, chudych a słužabnikow na tom dnju.

Pó casu jo se ta póstawa pśeměnił. Źinsajšny moderny outfit jo dostał w Americe. Mjaztym až běšo zaprědka skerjej jaden asketiski swěty muž w drastwje biskupa, jo se něnto pśeměnił do Santa Claus. Karikaturist Thomas Nast jo namólował toś ten Santa za casopis Harpers Weekly. Toś jo wustajił, ako Mikławš abo gódowny muž wótněnta ma wuglědaś. Sławna jo ta drastwa wót togo casa, ako Coca Cola jo zachopiła z tym wabiś.

Wšojadno, lěc gódowny muž abo starjejše su zagronite za rědnučke gódowne dary, ku gódam dejali nic jano na nje glědaś. My dejali pśedewšym na pśekšasny dar Boga mysliś, z tym až Jezus Christus pśiźo k nam ako małe góletko. Ta Bóža gnada ma se teke wótbłyšćowaś w darach za našych lubych. To jo drje zmysł našogo janšojskego boga: Wón njepśinjaso droge dary, ale to nejdrogotnjejše, což jo móžne: Bóže žognowanje.

Bóže słowo na Mikławša w serbskem rozgłosu RBB, 2019-12-06.

Bibliske citaty pó: Biblija abo to zełe Sswėte Pißmo Starego a Nowego Teʃtamenta, do ßerʃkeje rėzy pʃcheʃtawjone, wot nowotki pilṅe pʃcheglėdane a pʃcheporėżane. Hala: Kanʃtein (1868).

Bildka https://en.wikipedia.org/wiki/Saint_Nicholas

Zanechat odpověď

Vyplňte detaily níže nebo klikněte na ikonu pro přihlášení:

Logo WordPress.com

Komentujete pomocí vašeho WordPress.com účtu. Odhlásit /  Změnit )

Google photo

Komentujete pomocí vašeho Google účtu. Odhlásit /  Změnit )

Twitter picture

Komentujete pomocí vašeho Twitter účtu. Odhlásit /  Změnit )

Facebook photo

Komentujete pomocí vašeho Facebook účtu. Odhlásit /  Změnit )

Připojování k %s