Problemowa zupa towarišnosći

W ewangeliumje swětego Markusa stoj „Mějśo sol we sebje samych a mějśo měr mjazy sobu.[Markus 9, 50] Sol jo źinsa wšedna a tunja wěrca jěze, nic wósebnego. Za cas Jezusa jo była wjelgin drogotna. Pódla wužywanja ako jěźna sol jo słužyła za konserwěrowanje a za kultiske zaměry. Za cysćenje su sol pósypali na woprowańske zwěrjeta, nježli až wóni ako spalwopor pśinjasone buchu. Na zakłaźe jeje wuznama za žywjenje a wósebnego wěrcowanego słoda se cesto wó soli symboliski powěda. Tak jo to teke w tom gronku a w Jezusa znatej słowje: „Wy sćo sol teje zemje“.[Matejus 5, 13] Jo jano nadgódnośenje, gaž luź sebje pomjenjujo krona stwórby.Toś, nic zmjatana ale sol!

Nejzwažnjejše w wobchaźe ze solu jo tšocha abo dozěrowanje. Pśemało soli cyni jězu měklatu a za nicym njesłoźecu, pśewjele cyni ju njejědnu. Za cłowjeske śěło jo sol za žywjenje trěbna, ale pśez pśewjele na dlejšy cas schórjejo. Jo zajmne, až žywjenje se nastawa w maśernem žywośe w takej roźeńcowej wóźe, kenž ma samske hobstatki soli hejnak pramórjo. Ta pšawa měšańca jo pótakem za nas a naš poměr k pśiroźe wažne.

 Ale to teke płaśi za póśěgi mjazy nami. „Mějśo sol we sebje samych“ jadnorje groni za Jezusa wucbu: Buźćo wucysćone a skšuśone! Zasajźćo se za stojnišćo Jezusa! Ale njezmějomy naše mócy njewuměrnje wugraś a měr k blišemu abo k drugim kupkam wobgrozyś. Ako kśesćijany njamamy mudrosć sami za se pachtowane. Móžomy jano pśidaś našo stojnišćo ako ta wěrca w problemowej zupje towarišnosći. To teke płaśi za našu rolu w Serbach.

Njejźo wó to, až pśesajźijomy njezmilnje našo měnjenje – abo až „kšuty rěp mamy“. Teke njejźo wó to, až se pśecej powdawamy, abo až „měr źaržymy“. Wobej boka – kšuty rěp a měr – słušatej gromadu. To jo tak ako ze solu pśecej pšašanje pšawego dozěrowanja.

Jo nam wót Boga togo  našogo wjelikego kucharja dane, až smy sol teje zemje. Dajśo nam pśiwześ tu rulu z wjaselim a wótglědanim. Gaž se zasej pšašamy, dla cogo se tak pjekorimy, dejmy na to mysliś, až šćipka soli dosega, až wšykno ma pšawy słod.

Bibliske citaty pó: Biblija abo to zełe Sswėte Pißmo Starego a Nowego Teſtamenta, do ßerſkeje rėzy pſcheſtawjone, wot nowotki pilṅe pſcheglėdane a pſcheporėżane. Hala: Kanſtein (1868).
Bildka: kristalowa struktura NaCl.

Reklamy

Zanechat odpověď

Vyplňte detaily níže nebo klikněte na ikonu pro přihlášení:

Logo WordPress.com

Komentujete pomocí vašeho WordPress.com účtu. Odhlásit /  Změnit )

Google+ photo

Komentujete pomocí vašeho Google+ účtu. Odhlásit /  Změnit )

Twitter picture

Komentujete pomocí vašeho Twitter účtu. Odhlásit /  Změnit )

Facebook photo

Komentujete pomocí vašeho Facebook účtu. Odhlásit /  Změnit )

Připojování k %s